“რუსეთი ჩრდილოეთ კორეისგან მილიონობით რაკეტას და საარტილერიო ჭურვებს ყიდულობს”

რუსეთი ჩრდილოეთ კორეისგან მილიონობით რაკეტისა და საარტილერიო ჭურვის შეძენის პროცესშია, რათა ისინი უკრაინაში ბრძოლის ველზე გამოიყენოს, – ამის შესახებ აშშ-ის ოფიციალურმა წარმომადგენელმა CNN-ს განუცხადა.

ოფიციალური პირის თქმით, აღნიშნული შესყიდვა მიუთითებს იმაზე, რომ რუსი სამხედროები უკრაინაში იარაღის მიწოდების სერიოზულ დეფიციტს განიცდიან, რაც ნაწილობრივ ექსპორტის კონტროლითა და სანქციებითაა გამოწვეული.

ამასთან, როგორც მან აღნიშნა, აშშ მოელის, რომ რუსეთი მომავალში ჩრდილოეთ კორეისგან მეტი სამხედრო აღჭურვილობის შეძენას შეეცდება.