საპარლამენტო უმრავლესობის წევრი გიორგი ამილახვარი სანქციებთან დაკავშირებით დავით არახამიას ბოლო განცხადებას გამოეხმაურა. დეპუტატის თქმით, თეორიულად სანქცირებულთა სიის უკან „ნაციონალური მოძრაობა“ დგას, შესაბამისად, მას ვერანაირი პოლიტიკური და სამართლებრივი ძალა არ აქვს.
„სამწუხაროდ, გრძელდება ჰიბრიდული ომი უკვე უკრაინიდან, „ნაციონალური მოძრაობის“ ფილიალის ხელმძღვანელისგან, რომელიც პირდაპირ კავშირშია „ნაციონალურ მოძრაობასთან“ და ფაქტობრივად, „ნაციონალური მოძრაობის“ წარმომადგენლებმა აღიარეს, რომ თეორიულად სანქცირებულთა სია თბილისიდან არის მიწოდებული, რომელმაც სააგენტოს ხელმძღვანელმა გამოაქვეყნა. კიდევ ერთხელ დასტურდება, რომ არის დიდი მცდელობა საქართველოს მოსცხონ ჩირქი. ეს არის პირდაპირ „ნაციონალური მოძრაობის“ მიერ გაკეთებული განცხადება, რომელსაც არანაირი სამართლებრივი სამართლებრივი და პოლიტიკური ლეგიტიმაცია არ აქვს და ვერ ექნება“, – განაცხადა ამილახვარმა.