ხომ არის ლაპარაკი, რომ ინკლუზიურობა იყოს, უფრო ფართო მონაწილეობა იყოს, როგორც კი ამ მიმართულებით გადადგამ ნაბიჯს მაშინვე უკვე აღარ მოსწონთ ეს, – ეს განცხადება საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა სახალხო დამცველის არჩევის წესზე საუბრისას განაცხადა.
„სახალხო დამცველი არჩევის წესი არ იცვლება. როგორც ირჩეოდა ისევ ისე აირჩევა, მაგრამ საშუალება ეძლევა გაცილებით მეტ ადამიანს, რომ საკუთარი კანდიდატურა დააყენოს. სახალხო დამცველი სამწუხაროდ დიდ ხანია ამ ნარატივში ზის, რომ ყველაფერზე პოლიტიკურად ანგაჟირებული პოზიცია ჰქონდეს“, – განაცხადა ირაკლი ქადაგიშვილმა.
სახალხო დამცველის არჩევის წესზე, რეგლამენტში დაგეგმილი ცვლილებების პროექტში შესწორებები შევიდა. პროექტზე ახლა მეორე მოსმენით პლენარულ სხდომაზე მსჯელობენ. ცვლილებები არ მოსწონს მოქმედ სახალხო დამცველს.