დაუსრულებელია პრეტენზიები, მაგრამ თვითონაც უნდა იცოდნენ, რომ დაუსრულებელი პრეტენზიებით კონსენსუსი არ დგება, – ამის შესახებ საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა განაცხადა.
მისი თქმით, რადიკალურ ოპოზიციას სახალხო დამცველის ინსტრუქციაზე უფრო მეტი პასუხისმგებლობა ექნებათ ჩვენი ქვეყნისა და მათი ამომრჩევლის წინაშე.
„დაუსრულებელია პრეტენზიები, მაგრამ თვითონაც უნდა იცოდნენ, რომ დაუსრულებელი პრეტენზიებით კონსენსუსი არ დგება. როდესაც ძირითადად კანონს მხარი დაუჭირეს, ყველა მათი შენიშვნა და წინადადება იყო გათვალისწინებული, უკლებლივ ყველა და ამის შემდეგ დატუქსვა მიიღეს სახალხო დამცველისგან. მათ ჩათვალეს, რომ სახალხო დამცველი კიდევ ვიღაცისგან მიიღებდა ინსტრუქციას და ა.შ. და ასე დაიხიეს უკან. ვფიქრობ, მათ სახალხო დამცველის ინსტრუქციაზე უფრო მეტი პასუხისმგებლობა ექნებათ ჩვენი ქვეყნისა და მათი ამომრჩევლის წინაშე“, – განაცხადა ირაკლი ქადაგიშვილმა.