უკრაინული სახელმწიფო კომპანია „ენერგოატომის“ განცხადებით, ადგილობრივი დროით 03:41 საათზე ზაპოროჟიეს ატომური ელექტროსადგურის მეექვსე ენერგობლოკი ენერგოქსელიდან გათიშეს და ახლა ის ცივ მდგომარეობაში გადასაყვანად მზადდება.
მათივე ინფორმაციით, ბოლო სამი დღის განმავლობაში მეექვსე ენერგობლოკი სიმძლავრის კრიტიკულად დაბალ დონეზე მუშაობდა, ვინაიდან რუსეთის მხრიდან სროლის გამო დაზიანებული იყო ყველა კავშირი ზაპოროჟიეს ატომურ ელექტროსადგურსა და უკრაინის ენერგოსისტემას შორის.
„ენერგოატომში“ განმარტავენ, რომ 10 სექტემბერს ერთ-ერთი ხაზის აღდგენა მოხერხდა, ამიტომ მიღებული იყო გადაწყვეტილება ენერგობლოკის გათიშვის და ყველაზე უსაფრთხო, ცივ მდგომარეობაში გადაყვანის შესახებ.
კომენტარები