დიდი ბრიტანეთის პრემიერ-მინისტრმა ლიზ ტრასმა საფრანგეთის პრეზიდენტ ემანუელ მაკრონთან და პოლონეთის პრემიერ-მინისტრ მატეუშ მორავეცკისთან სატელეფონო საუბრები გამართა. ინფორმაცია ამის შესახებ დიდი ბრიტანეთის მთავრობის ვებგვერდზე გამოქვეყნდა.
ტრასმა და მაკრონმა ორი ქვეყნის ურთიერთობების გაძლიერების აუცილებლობას გაუსვეს ხაზი და შეთანხმდნენ, რომ ერთად იმუშავებენ ენერგეტიკული კრიზისის დასაძლევად, რომელიც ვლადიმირ პუტინის უკანონო ომმა გამოიწვია.
მატეუშ მორავეცკისთან საუბრის მთავარი საკითხები დიდი ბრიტანეთი-პოლონეთის ორმხრივი ურთიერთობები და უკრაინის მხარდაჭერის საკითხში ერთობლივი მუშაობა იყო.
კომენტარები