“წინააღმდეგობის 200 დღე – ჩვენი მებრძოლები თავიდან გმირულად ცდილობდნენ მტრის შეკავებას, ახლა კი თვითონ ვეღარ იკავებენ თავს და ოკუპანტებს ერეკებიან”

წინააღმდეგობის 200 დღე – ჩვენი დამცველების სიმამაცის წყალობით უკრაინა ისევ დგას, – ამის შესახებ ყოველდღიური მიმართვისას უკრაინის პრეზიდენტმა, ვოლოდიმირ ზელენსკიმ განაცხადა.

„ჩვენი მებრძოლები თავიდან გმირულად ცდილობდნენ მტრის შეკავებას, ახლა კი თვითონ ვეღარ იკავებენ თავს და ოკუპანტებს ერეკებიან ჩრდილოეთში სამხრეთსა და აღმოსავლეთში. ისინი მხოლოდ ერთი მიმართულებით მოძრაობენ – წინ, გამარჯვებისკენ, მსოფლიო მათი სიმამაცით აღფრთოვანებულია, მტერი კი პანიკაშია“, – განაცხადა ზელენსკიმ.