უკრაინის პრეზიდენტი, ვოლოდიმირ ზელენსკი მიიჩნევს, რომ შეერთებული შტატების 45-ე პრეზიდენტი, დონალდ ტრამპი უკრაინაში რუსეთის სრულმასშტაბიან შეჭრას “ვარდისფერი სათვალით” უყურებს.
ამის შესახებ ზელენსკიმ CNN-თან საუბარში თქვა.
”ვფიქრობ, მას ჰქონდა საკმარისი დრო, მიმხვდარიყო – თუ ვინ არის პუტინი. ის იკავებდა ისეთი მაღალ თანამდებობას, სადაც შეუძლებელია, არ ათვითცნობიერებდე, ვინ არის თქვენი ხალხის ღირებული ოპონენტი. მეჩვენება, რომ ყველაფერი გაქვს ამისთვის, დაზვერვის მონაცემებიც, ძალაც და ფსიქოლოგიური პორტრეტი. უნდა ერკვეოდე, ვინ არის რუსეთის პრეზიდენტი, რისკენ მიისწრაფვის და როგორ მიდის იქამდე“, – განაცხადა უკრაინის პრეზიდენტმა.
ზელენსკიმ გაკვირვება გამოთქვა, რომ, სრულმასშტაბიანი შეჭრის შემდეგაც კი, დონალდ ტრამპმა პუტინს “გენიოსი” უწოდა.
“მე მეჩვენება, რომ მან ამ ყველაფერს უნდა შეხედოს არამხოლოდ უკრაინის საფრთხის კუთხით. შესაძლოა, მისთვის საკმარისად შორს ვიმყოფებით, მაგრამ ომს დისტანცია არ აქვს. ვფიქრობ, მან უნდა შეხედოს ამ სიტუაციას “ვარდისფერი სათვალის” გარეშე. არ ვიცი, შესაძლოა, მას ეს სჭირდებოდა საშინაო პოლიტიკისთვის, რომ აჩვენოს – მზად არის რუსეთის პრეზიდენტთან ურთიერთგაგებისთვის“, – დასძინა მან.