მე რაც ამ მოწოდებაში ვნახე არის ის, რაც ვთქვი, რომ საქართველოს ხელისუფლება ყველაფერს უნდა აკეთებდეს იმისთვის და უნდა მუშაობდეს საერთაშორისო არენაზე იმისთვის, რომ რაც შეიძლება სწრაფად მოხდეს საქართველოს დეოკუპაცია, – ასე აფასებს უკრაინის რადის დეპუტატის განცხადებას „ნაციონალური მოძრაობის“ წევრი ანი წითლიძე.
ფიოდორ ვენისლავსკიმ „TV პირველის“ ეთერში განაცხადა, რომ ახლა დროა ქართველმა ხალხმა ხელისუფლებას დეოკუპაციის მიმართულებით ნაბიჯები გადადგმა აიძულოს.
„მე არ მგონია, რომ ეს მოწოდება, როგორც ამის წარმოჩენას საქართველოს ხელისუფლება ცდილობს, არის ის, რომ უკრაინელები ჩვენ მოგვიწოდებენ ომში ჩავერთოთ. უკრაინელები მოგვიწოდებენ ჩვენ იმას, რასაც მოგვიწოდებს ყველა ნორმალური ადამიანი“, – განაცხადა ანი წითლიძემ.
კომენტარები