არის რამდენიმე ყველაზე მდიდარი არასამთავრობო ორგანიზაცია, რომელიც ფინანსდება სხვადასხვა წყაროსგან და ისინი გამოდიან პოლიტიკური მოთხოვნით და აჩვენებენ პოლიტიკურ ამბიციას, – ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან განაცხადა.
მისივე თქმით, მათ აქვთ საზოგადოების წინაშე მორალური ვალდებულება, რომ აჩვენონ გამჭვირვალობის მაღალი ხარისხი.
„თუმცა ჩვენ ვხედავთ, რომ აბსოლუტურად გაუმჭვირვალეა მათი ხარჯები და ამასთან დაკავშირებით, საზოგადოებას არავითარი ინფორმაცია არა აქვს, რაც რისკებს ქმნის. არა მარტო პოლიტიკური პარტიები უნდა იყვნენ გამჭვირვალე ფინანსური თვალსაზრისით, არამედ იგივე ეხება არასამთავრობოებსაც. რაც შეეხება ისეთ NGO-ებს, რომლებიც დეზინფორმაციის გამოვლენაზე მუშაობენ, მაგალითად ასეთია factcheck, ხშირად თვითონ ავრცელებს დეზინფორმაციას, ფაქტობრივ ტყუილებს. მათაც აქვთ პირდაპირი პოლიტიკური ინტერესები. თუ გავყვებით მათ ფესვებს და დამფუძნებლებს, ძალიან მარტივად ამოვიკითხავთ ასეთი NGO-ების უკან სახელებს და გვარებს, რომლებიც პირაპირ არიან დაკავშირებული რადიკალურ ოპოზიციასთან“, – განაცხადა კობახიძემ.“, – განაცხადა კობახიძემ.