გაერთიანებული სამეფოს დედოფალი ელისაბედ მეორე ედინბურგიდან ლონდონში გადაასვენეს.
ნორტოლტის სამხედრო ბაზაზე, თვითმფრინავს, რომლითაც ელისაბედ მეორე გადაასვენეს, პრემიერ-მინისტრი ლიზ ტრასი და ქვეყნის თავდაცვის მინისტრი დახვდნენ.
დედოფალს ბუკინგემის სასახლეში დაასვენებენ. სასახლეში უკვე იკრიბებიან სამეფო ოჯახის წევრები.
ელისაბედ მეორის დაკრძალვის ცერემონიაზე, 19 სექტემბერს ლონდონში 500-მდე მაღალი რანგის პოლიტიკოსს ელოდებიან. მონარქის დაკრძალვის ცერემონიას მედიაში ბოლო ათწლეულში ბრიტანეთში ყველაზე დიდი დიპლომატიური შეკრება უწოდეს. ამასთან, მედიაში გავრცელებული ინფორმაციით, რუსეთი, ბელარუსი და მიანმარი დედოფლის დაკრძალვის ცერემონიაზე არ მიიწვიეს, ირანის ისლამური რესპუბლიკა კი, ელჩის დონეზე იქნება წარმოდგენილი.
კომენტარები