ნატოს გენერალურმა მდივანმა, იენს სტოლტენბერგმა განაცხადა, რომ რუსული ძალების წინააღმდეგ უკრაინის კონტრშეტევა ძალიან ეფექტურია, თუმცა აღნიშნა, რომ ქვეყნები გრძელვადიან პერიოდისთვის უნდა მოემზადონ, რადგან ეს ომის დასრულებას არ ნიშნავს.
„რა თქმა უნდა, ძალიან დამაიმედებელია იმის დანახვა, რომ უკრაინის შეიარაღებულმა ძალებმა შეძლეს ტერიტორიის უკან დაბრუნება და ასევე რუსული ძალების ხაზების მიღმა დარტყმა“, – აღნიშნა იენს სტოლტენბერგმა.
„ამავდროულად, ჩვენ უნდა გვესმოდეს, რომ ეს არ არის ომის დასასრულის დასაწყისი, ჩვენ უნდა მოვემზადოთ გრძელვადიანი პერიოდისთვის“, – განაცხადა ნატოს გენერალურმა მდივანმა.
კომენტარები