უკრაინაში ომის 205-ე დღეა. გასული ღამის განმავლობაში ინტენსიურად იბომბებოდა ხარკივის ოლქის განთავისუფლებული დასახლებები, დაშავებულია 12 ადამიანი, მათ შორის, 2 ბავშვი. დაზიანებულია საცხოვრებელი სახლები და საკომუნიკაციო ხაზები.
ქალაქ იზიუმთან ახლოს მდებარე ტყეში მასობრივი სამარხი აღმოაჩინეს, სადაც 400-ზე მეტი ცხედარია დაკრძალული.
რუსულმა ძალებმა მორიგი ავიაიერიში მიიტანეს ქალაქ კრივიი რიჰზე, დაზიანებულია წყალმომარაგების ინფრასტრუქტურა.
სარაკეტო თავდასხმა განხორციელდა ოდესის რეგიონზე, რუსულმა ჯარებმა ოლქს საკრუიზო რაკეტა შავი ზღვიდან დაუმიზნეს.
მძიმე ბრძოლები გრძელდება ზაპოროჟიეს ოლქის მიმართულებით, რუსულმა ძალებმა კასეტური საბრძოლო მასალით შეუტიეს სოფელ ნოვო ალექსანდრივკას, რის შედეგადაც ადგილზე ძლიერი ხანძარი გაჩნდა. მსხვერპლის შესახებ ინფორმაცია ამ დროისთვის არ ვრცელდება.