ბრიტანეთის მონარქის ოჯახი, დედოფლის გარდაცვალების შემდეგ, მსოფლიო ყურადღების ცენტრშია. ჟურნალისტებს არ გამორჩენიათ ელიზაბეტის შვილის, ედვარდის ცოლი, სოფი, რომელსაც, როგორც ბრიტანული მედია წერს, დედოფალთან განსაკუთრებულად ახლო ურთიერთობა ჰქონდა, დედამთილისთვის ის “მეორე ქალიშვილივით” იყო. დედის გარდაცვალების შემდეგ კი სოფი ელიზაბეტს “დედას” ეძახდა.
ისინი ერთად დიდ დროს ატარებდნენ. სოფი და მისი ქმარი, პრინცი ედვარდი ორ შვილთან ერთად ვინძორის სასახლესთან ძალიან ახლოს ცხოვრობდნენ. გრაფინია და დედოფალი ხშირად ასეირნებდნენ ერთად ძაღლებს, საათებს ატარებდნენ სამეფო არქივებში, ძველი დოკუმენტების თვალიერებაში.
სოფი არისტოკრატულ ოჯახში არ დაბადებულა, ვიდრე ედვარდის ცოლი გახდებოდა, ის საკუთარი ხელფასით ცხოვრობდა. ის PR სპეციალისტი იყო და სხვადასხვა კომპანიებთან მუშაობდა, საბოლოოდ კი საკუთარი კომპანიაც დააარსა, RJH Public Relations, რომელსაც 5 წლის განმავლობაში მართავდა.
სოფის ახლო მეგობრობა აკავშირებს მეგან მარკლთან. როგორც მედია წერს, მათ ბევრი საერთო აქვს – წარმატებული კარიერა სამეფო ოჯახის წევრობამდე, ორივე მათგანი საშუალო კლასის ოჯახებიდან არიან… ბრიტანეთში ჩასულ მეგანს დედოფალმა მენტორად სწორედ სოფი მიუჩინა, ისინი ხშირად ჩნდებოდნენ ერთად.
ედვარდს და სოფის 2 შვილი ჰყავთ. ბავშვები არ სარგებლობენ “მისი სამეფო უდიდებულესობის” სტატუსი და დედას იმედი აქვს, რომ სწავლას უნივერსიტეტშიც გააგრძელებენ.
