მობილიზაციის შესახებ რუსეთის სხვადასხვა რეგიონის სამხედრო კომისრების მიერ გამოქვეყნებული თითქმის იდენტური იმ ბრძანებების ნაწილი, რომლებიც კომისარიატებში გამოცხადების პროცედურას განმარტავს, შეიცავს პუნქტს, რომლის მიხედვითაც, კომპანიის ხელმძღვანელებმა და მოქალაქეებმა თავიანთი ავტომობილები (გამართულ მდგომარეობაში) სამხედრო კომისარიატში უნდა მიიყვანონ.
აქ იგულისხმება მაღალი გამავლობის მქონე მანქანები, სატვირთო მანქანები და მანქანები, რომლებიც მშენებლობისთვის გამოიყენება. ინფორმაციას ამის თაობაზე „მედუზა“ ავრცელებს.
რუსეთის პრეზიდენტის, ვლადიმირ პუტინის განკარგულებით, რუსეთში 21 სექტემბრიდან დაიწყო ნაწილობრივი მობილიზაცია, რომელიც თავდაცვის მინისტრ შოიგუს თანახმად, 300 ათას რეზერვისტს შეეხება. 21 სექტემბერს რუსეთის სხვადასხვა ქალაქში გაიმართა მობილიზაციის მოწინააღმდეგეთა საპროტესტო გამოსვლები. პოლიციამ აქციების 1000-ზე მეტი მონაწილე დააკავა.