გენერალი დმიტრი ბულგაკოვი რუსეთის თავდაცვის მინისტრის მოადგილის თანამდებობიდან გაათავისუფლეს. მის ადგილს გენერალ-პოლკოვნიკი მიხაილ მიზინცევი დაიკავებს. ინფორმაციას ამის შესახებ რუსული მედია ავრცელებს.
გენერალ-პოლკოვნიკი მიზინცევი – ეროვნული თავდაცვის კონტროლის ცენტრის უფროსი იყო. ის მონაწილეობდა სირიის ომში, ასევე მარიუპოლის ალყაში. მსოფლიო პრესაში და ევროკავშირის დოკუმენტებში ის მოხსენიებულია, როგორც “მარიუპოლის ყასაბი”, სავარაუდო ომის დანაშაულებებში მონაწილეობის გამო.
მიზინცევი პასუხისმგებელი იქნება რუსეთის ფედერაციის შეიარაღებული ძალების ლოჯისტიკაზე, რაც შეეხება ბულგაკოვს, თანამდებობიდან წასვლის მიზეზად თავდაცვის უწყებაში სხვა სამსახურში გადასვლა სახელდება.
კომენტარები