აშშ-ის პრეზიდენტმა, ჯო ბაიდენმა რუსეთის პრეზიდენტ ვლადიმირ პუტინს მიმართა და განაცხადა, რომ აშშ და ნატო მზად არიან, ნატოს ტერიტორიის თითოეული სანტიმეტრი დაიცვან.
„პუტინი და მისი უგუნური სიტყვები და მუქარა ვერ დააშინებს ამერიკასა და მის მოკავშირეებს. პუტინის ქმედებები იმის ნიშანია, რომ მას უჭირს“, – აღნიშნა აშშ-ის პრეზიდენტმა.
„ამერიკა სრულად არის მზად, ნატოს მოკავშირეებთან ერთად ნატოს ტერიტორიის ყოველი სანტიმეტრი დაიცვას. ასე რომ, ბატონო პუტინ, სწორად გაიგეთ, რასაც ვამბობ. ყოველი სანტიმეტრი“, – განაცხადა ჯო ბაიდენმა.
მან ასევე აღნიშნა, რომ აშშ გააგრძელებს უკრაინისათვის სამხედრო აღჭურვილობის მიწოდებას, რათა უკრაინამ თავი დაიცვას რუსეთის აგრესიისგან.
კომენტარები