ეს არის დასაწყისი. ყველაფერი უკანონო უნდა განადგურდეს, – ასე გამოეხმაურა უკრაინის პრეზიდენტის ადმინისტრაციის ხელმძღვანელის მრჩეველი მიხაილო პოდოლიაკი ყირიმის ხიდზე მომხდარ აფეთქებას.
„ყირიმი, ხიდი, დასაწყისი. ყველაფერი უკანონო უნდა განადგურდეს. ყველაფერი, რაც მოპარულია, უკრაინას უნდა დაუბრუნდეს. რუსეთის საოკუპაციო რეჟიმი უნდა იყოს განდევნილი“, – წერს პოდოლიაკი.
ყირიმის ხიდზე, რომელიც ოკუპირებულ ნახევარკუნძულს რუსეთთან აკავშირებს, ძლიერი ხანძარი გაჩნდა. აფეთქების შედეგად საავტომობილო ხიდის ნაწილი ჩამოინგრა.
კომენტარები