უკრაინული მედია კიევის ცენტრში აფეთქებების შესახებ იტყობინება. მანამდე მთელი ქვეყნის მასშტაბით საჰაერო განგაში იყო გამოცხადებული და ვრცელდებოდა ინფორმაცია უკრაინის საჰაერო სივრცეში აგრესორი ქვეყნის რაკეტების არსებობის შესახებაც. ჯერჯერობით უცნობია, აფეთქება უკავშირდება თუ არა ანტისარაკეტო სისტემის მუშაობას.
კიევის მერის ვიტალი კლიჩკოს ინფორმაციით, აფეთქებები ქალაქის ცენტრში, შევჩენკოს რაიონში მოხდა. მისი თქმით დეტალები მოგვიანებით გახდება ცნობილი.
უკრაინის დედაქალაქში აფეთქებების ხმა გუშინაც ისმოდა, თუმცა, როგორც მოგვიანებით ოფიციალურმა პირებმა განმარტეს, მიმდინარეობდა განაღმვითი სამუშაოები.
კომენტარები