ცნობილმა რუსმა მომღერალმა ალა პუგაჩოვამ დაადასტურა, რომ რუსეთის დატოვების შემდეგ ის ისრაელში იმყოფება. ამის შესახებ მან ინსტაგრამზე დაწერა.
“მადლობას ვუხდი ჩემი თაყვანისმცემლების მრავალმილიონიან არმიას სიყვარულისა და მხარდაჭერისთვის, ტყუილ-მართალის გარჩევისთვის, წმინდა მიწაზე ვლოცულობ თქვენთვის და მშვიდობისთვის. მე ბედნიერი ვარ,“- აცხადებს ალა პუგაჩოვა.
ალა პუგაჩოვას და მის მეუღლეს ბავშვებთან ერთად რუსეთის დატოვება მას შემდეგ მოუწიათ, რაც ომის საწინააღმდეგო განცხადებები გააკეთეს და მათ წინააღმდეგ აგრესიის ტალღა აგორდა. რუსეთის ხელისუფლებამ ალა პუგაჩოვას მეუღლე მაქსიმ გალკინი უცხო ქვეყნის აგენტების სიაშიც კი შეიყვანა.
კომენტარები