“ლევან ხაბეიშვილი რეგიონებში ვეღარ დადის, საზოგადოებას ვერ ესაუბრება და ახლა ევროპაში წავიდა, იქნებ, იქ სცადოს ვინმეს ყურადღების მიპყრობა”, – ამის შესახებ საპარლამენტო უმრავლესობის წევრმა, ანრი ოხანაშვილმა „ქრონიკასთან“ საუბრისას განაცხადა.
მისივე თქმით, ოპოზიციასა და ხალხს შორის უფსკრულია.
„ფაქტია, რომ მათ რესურსი არ აქვთ საქართველოში, მათსა და ჩვენს საზოგადოებას შორის დიდი უფსკრულია, ისინი დაშორებულნი არიან ხალხს და ახლა უკვე სიარული დაიწყეს ევროპაში. თუმცა, ალბათ, მოძებნიან ლობისტებს, რომლებიც ჩვენი ქვეყნის საწინააღმდეგო პოზიციებს დაიკავებენ“, – განაცხადა ოხანაშვილმა.
ცნობისთვის, “ნაციონალური მოძრაობის” წევრმა, ლევან ხაბეიშვილმა ბრიუსელში, ევროპარლამენტარებთან შეხვედრა გამართა.
კომენტარები