უკრაინაში რუსული აგრესია გრძელდება. საოკუპაციო ძალების სამიზნეში ისევ კიევის ოლქია. იბობმება სუმის, ზაპოროჟიეს და მიკოლაევის რაიონები. დაზიანდა ათობით საცხოვრებელი სახლი, ადმინისტრაციული შენობები, ტაძარი და ელექტრო გადამცემი ხაზები. არიან დაშავებულებიც.
ზაპოროჟიეს ოლქში ადგილობრივი თვითმმართველობის ინფორმაციით, ღამის განმავლობაში დრონებით 4 თავდასხმა განხორციელდა, დილით კი ოკუპანტებმა ოლქის მიმართულებით 10 ჭურვი ისროლეს. ღამით დაიბომბა დნეპროპეტროვსკის ოლქის 3 დასახლება, მათ შორის მიკოპოლი სადაც 50-მდე ჭურვი ჩავარდა, დაშავებულია 2 ადამიანი.
აქტიური საბრძოლო მოქმედებების პარალელურად უკრაინამ ტყვეთა გაცვლის ფარგლებში 20 მებრძოლი დაიბრუნა. მათგან 14 უკრაინის შეიარაღებული ძალების მებრძოლია, 4 ტერიტორიული თავდაცვის მებრძოლი, ეროვნული გვარდიის 1 წევრი და სამხედრო-საზღვაო ძალების 1 სამხედროა.