უკრაინიდან, ოდესის ოლქიდან, პორტებიდან „ოდესა“ და „პივდენე“ (ე.წ. სამხრეთის პორტი) მარცვლეულით დატვირთული კიდევ ოთხი გემი გავიდა. ისინი 140 000 ტონა მარცვლეულით არიან დატვირთულები, – წერს უკრაინული მედია.
ოფიციალური ინფორმაციით, აღნიშნული გემების მეშვეობით, კენიას ათობით ათას ტონა ხორბალს მიაწვდიან. ე.წ. უსაფრთხო დერეფნის“ ინიციატივის ფარგლებში, აფრიკაში უკვე 1,1 მილიონი ტონა საკვები გაიგზავნა.
22 ივლისს უკრაინამ, თურქეთმა, რუსეთმა და გაერომ ხელი მოაწერეს შეთანხმებას უკრაინის სამი პორტიდან მარცვლეულის ექსპორტის განბლოკვის შესახებ.
კომენტარები