პრემიერ-მინისტრმა ირაკლი ღარიბაშვილმა გაეროს კლიმატის ცვლილების 27-ე კონფერენციის ფარგლებში გამართულ, მრგვალი მაგიდის ფორმატში მოწყობილ დისკუსიაში – „ინვესტირება ენერგეტიკის მომავალში“, მიიღო მონაწილეობა.
მთავრობის მეთაური სოციალურ ქსელ „ტვიტერში“ წერს, რომ წიაღისეულ საწვავზე დამოკიდებულების დაძლევა და ალტერნატიული ენერგიის წყაროებში კაპიტალდაბანდება გადამწყვეტია კლიმატის ცვლილების ეფექტის შესარბილებლად.
„მონაწილეობა მივიღე გაეროს კლიმატის ცვლილების 27-ე კონფერენციის ფარგლებში, მრგვალი მაგიდის ფორმატში გამართულ მაღალი დონის შეხვედრაში. ინფორმაციით დატვირთულ დისკუსიებს ვაწარმოებთ სუფთა ენერგიის მოხმარების მნიშვნელობის შესახებ. წიაღისეულ საწვავზე დამოკიდებულების დაძლევა და ალტერნატიული ენერგიის წყაროებში კაპიტალდაბანდება გადამწყვეტია კლიმატის ცვლილების ეფექტის შესარბილებლად“, – წერს პრემიერ-მინისტრი.
Pleased to participate in the high-level roundtable in the frames of @COP27P Summit. Held informative discussions on the importance of clean energy consumption. Ending reliance on fossil fuels & investing in alternative energy is vital for mitigating effects of climate change. pic.twitter.com/DzvuU6esNm
— Irakli Garibashvili (@GharibashviliGe) November 8, 2022