“საქართველოს შემდეგი, ძალიან მნიშვნელოვანი ნაბიჯი მისი ევროპული მომავლის გზაზე არის კანდიდატის სტატუსი”

საქართველოში აშშ-ის ელჩი, კელი დეგნანი აცხადებს, რომ საქართველოს ევროპისკენ მიმავალ გზაზე შემდეგი, მნიშვნელოვანი ნაბიჯი კანდიდატის სტატუსის მიღებაა. 

ელჩი იმედოვნებს, რომ ქვეყნის პოლიტიკური ლიდერები, ოპოზიცია და პოზიცია ამ საკითხის გარშემო გაერთიანებასა და შეთანხმებას შეძლებენ.

„საქართველოს შემდეგი, ძალიან მნიშვნელოვანი ნაბიჯი მისი ევროპული მომავლის გზაზე არის კანდიდატის სტატუსი. ძალიან მნიშვნელოვანია, რომ ის შემუშავებული კანონმდებლობა ასევე წარედგინოს ვენეციის კომისიას, რათა მან მისი შესაბამისობა შეაფასოს.
ვიმედოვნებ, რომ საქართველოს პოლიტიკური ლიდერები, მათ შორის, მმართველი პარტია და ოპოზიცია გაერთიანდებიან და უზრუნველყოფენ, რომ კანდიდატის სტატუსთან დაკავშირებით სამუშაო ევროპულ სტანდარტებთან შესაბამისობაში იქნება ჩატარებული. გულწრფელად იმედი მაქვს, რომ ქართველი ლიდერები ქართველი ხალხისთვის ამას შეძლებენ“, – განაცხადა კელი დეგნანმა.