„ნაციონალური მოძრაობა“ მუდმივად ცდილობს, რომ დააზიანოს საქართველოს იმიჯი. ფაქტია, რომ ის ებრძვის არა „ქართულ ოცნებას“, სინამდვილეში – საქართველოს წინააღმდეგ გამოდის, – ამის შესახებ პარლამენტის იურიდიულ საკითხთა კომიტეტის თავმჯდომარის მოადგილემ, რატი იონათამიშვილმა განაცხადა.
მისივე თქმით, “ნაციონალური მოძრაობის” წარმომადგენლები დეზინფორმაციით ქვეყნის განვითარებასა და პროგრესზე გავლენას ვერ მოახდენენ
„ეს არის „ნაცური“ დეზინფორმაცია. ისინი აჩენენ ფეიკნიუსებს, შემდეგ ამ ფეიკნიუსებს ეყრდნობიან, როგორც წყაროებს და უნდათ, შექმნან აღქმები. ცდილობენ, დააზიანონ ჩვენი ქვეყნის მზარდი ეკონომიკა, ჩვენი ქვეყნის მზარდი განვითარება და ჩვენი მოქალაქეების კეთილდღეობა. ეს არის მტრული კამპანია საკუთარი ქვეყნის წინააღმდეგ და ეს ასეთი უსამშობლო ხალხისგან, ცხადია, არ გვიკვირს. ისინი ჩვენი ქვეყნის განვითარებასა და პროგრესზე გავლენას ვერ მოახდენენ“, – განაცხადა რატი იონათამიშვილმა.
ცნობისთვის, “ქართულ ოცნებაში” აცხადებენ, რომ ოპოზიციამ ახალი გეგმა შეიმუშავა და ქვეყნის ინტერესების საზიანო კამპანია დაგეგმა. მმართველი გუნდის ინფორმაციით, საქმე ეხება ქვეყნის ეკონომიკურ ზრდას.