თბილისის მერი კახა კალაძე აცხადებს, რომ „ნაციონალურ მოძრაობაში“ შიდა დაპირისპირებაა.
კალაძის თქმით, „ნაციონალური მოძრაობის“ შიდაპარტიულ თემებზე საუბრის სურვილი არ აქვს.
„ერთმანეთს დაერივნენ, განუკითხაობა. არ ვიცი, რას ვერ იყოფენ, თუმცა ეს მათი პარტიის შიდა თემებია და არ მინდა, დეტალებში შევიდე, რადგან თემაც არ ვიცი და შესაბამისად, „ნაციონალური მოძრაობის“ გადასაწყვეტია, რას გააკეთებს, მელიას გააგდებს, არ გააგდებს, დატოვებს თანამდებობაზე“, – აღნიშნა კახა კალაძემ.
„ნაციონალური მოძრაობის“ წევრმა ირაკლი ნადირაძემ დღევანდელ ბრიფინგზე განაცხადა, რომ „ნაციონალური მოძრაობის“ რეგიონულ ლიდერებთან ერთად ითხოვენ, პარტიაში თავმჯდომარის ახალი არჩევნები ჩატარდეს.
კომენტარები