“მოქალაქეების” ლიდერის, დეპუტატ ალეკო ელისაშვილის განცხადებით, “დეოლიგარქიზაციის შესახებ” კანონპროექტი “წყლის ნაყვაა”. მისივე თქმით, ეს არის ბუმერანგი, რომელიც ოპოზიციის ნაწილმა ბიძინა ივანიშვილს დაუმიზნა და მამუკა ხაზარაძეს ხვდება.
“წყლის ნაყვაა, ოღონდ – ოპოზიციის მხრიდან. ოპოზიციის მოგონილი სისულელეა. ეს არის ბუმერანგი, რომელიც ოპოზიციის ერთმა ნაწილმა ისროლა, დაუმიზნა ბიძინა ივანიშვილს და ხვდება მამუკა ხაზარაძეს და დანარჩენებს, სხვებს. ხოლო ის, რომ კეზერაშვილისთვის პასუხი უნდა მოეთხოვათ, ის კი ამდენი ხნის განმავლობაში ბაირამობს, „ქართული ოცნების“ ბრალია“, – განაცხადა ალეკო ელისაშვილმა.
კომენტარები