ჩვენი გუნდი საუბრობს იმ თემებზე, რაც მნიშვნელოვანია ჩვენი მოქალაქეებისთვის. მაგალითად, სოციალური პოლიტიკა, შშმ პირების სოციალური პაკეტი და პენსია, ეკონომიკის განვითარება, უსაფრთხოება, ვაშაძეს რაც შეეხება, რასაც ჩასძახებს კუბილიუსი, იმას ამოსძახებს და ეს არის მისი მთლიანი რესურსი ქართულ პოლიტიკაში, – ამის შესახებ საპარლამენტო უმრავლესობის წვერმა, რატი იონათამიშვილმა „ქრონიკაში“ განაცხადა.
„ამ ადამიანის მიერ ერთი კონკრეტული წინადადება თუ გახსენდებათ, რომელიც ჩვენი ქვეყნისთვის მნიშვნელოვანი შეიძლება ყოფილიყო და რაზეც შეიძლება მსჯელობა განვითარებულიყო? ხან ამბობდა, ონკოპაციენტებს რატომ ვაფინანსებთო, ხან საქართველო არ მიიღებს კანდიდატის სტატუსსო. ეს რას ნიშნავს? ძალიან მარტივად შეიძლება გავარჩიოთ, ვინ არის ჩვენი ქვეყნის ღალატის მხარეს“, – განაცხადა იონათამიშვილმა.