უკრაინა ბელარუსის საზღვარზე კედელს აშენებს, ამის შესახებ უკრაინის პრეზიდენტის ოფისის ხელმძღვანელის მოადგილემ, კირილ ტიმოშენკომ თავის ტელეგრამის არხში დაწერა.
“თხრილი, მიწაყრილი, რკინაბეტონის ღობე მავთულხლართებით შემოვლებული, ეს არის საინჟინრო ბარიერები, რომლებიც შენდება ვოლინში. ამრიგად, საზღვრის დაახლოებით 3 კმ უკვე აგებულია, მუშაობა გრძელდება. ეს ჯერ კიდევ არ არის ყველაფერი, მაგრამ სხვა დეტალებს არ გავამჟღავნებთ“, – წერს უკრაინის პრეზიდენტის ოფისის წარმომადგენელი.
ტიმოშენკოს თქმით, შესაბამისი სამშენებლო სამუშაოები ასევე მიმდინარეობს როვნოსა და ჟიტომირის ოლქებში. გარდა ამისა, სიმაგრეები შენდება რუსეთის მოსაზღვრე რეგიონებში.
“მნიშვნელოვანია, რომ საზღვრის მოწყობაზე სისტემურად მუშაობს რეგიონული მთავრობა და ადგილობრივი ბიზნესი. ყველას გვინდა დაცვა. ყველაფერს ვაკეთებთ, რომ მტრის ჰიპოთეზური წინსვლაც კი შევაჩეროთ”, – დასძინა ტიმოშენკომ.