2021 წელს მივიღეთ ევროკავშირის გრანტი და თითქმის დაუყოვნებლივ შეგექმნა პრობლემა, იმიტომ რომ ჩემს დირექტორთა საბჭოში საჩივარი შევიდა, რომ ევროკავშირს არ მოსწონდა პოსტები ჩემს პერსონალურ გვერდებზე Facebook-სა და Twitter-ზე. განვაცხადე, რომ ვეცდებოდი უფრო ფრთხილი ვიყო, მაგრამ საჩივრები მაინც მოდიოდა, – ამის შესახებ ევროპის ბიზნეს-ასოციაციის დამფუძნებელმა და ყოფილმა აღმასრულებელმა დირექტორმა, დევიდ ლიმ გადაცემაში „იმედი LIVE“ განაცხადა.
„გასული წლის აპრილში სიტუაცია უფრო დაიძაბა. ვწერდი, რომ ნამდვილად მწამდა, ზოგიერთი არასამთავრობო ორგანიზაცია საქართველოში არის კორუმპირებული. ვფიქრობ ისეთი ორგანიზაცია, როგორიც არის „საერთაშორისო გამჭვირვალობა“ არის კორუმპირებული. ისინი იღებენ თანხებს შვედეთის განვითარების კორპორაციიდან და სხვა დონორებისგან და იყენებენ ამ თანხებს „ერთიანი ნაციონალური მოძრაობის“ მხარდასაჭერად“, – განაცხადა ლიმ.