ყველაზე აგრესიული სპიკერი არის კუბილიუსი, რომელსაც არ ადარდებს ჩვენ ქვეყანაში არცმშვიდობა, არც სტაბილურობა. მას ადარდებს ერთადერთი რამ – დაბრუნდეს ხელისუფლებაში რადიკალური ოპოზიცია, – ასე ეხმიანება ექსპერტი ლევან ნიკოლეიშვილი კუბულიუსის განცხადებას.
როგორც ნიკოლეიშვილი წერს, მნიშვნელოვანია რა თქვა ევროკომისარმა ვარჰეიმ, რომელმაც მთავრობა შეაქო მშვიდობისა და სტაბილურობის გამო.
,,დღეს, გაცამტვერებული და გაფარჩაკებული ნაცმედიის ერთადერთი იმედი არის 3-4 ევროპარლამენტარი, რომლებიც თავის დროზე სააკაშვილთან მჭიდროდ იყვნენ დაკავშირებული, არიან მათი ლობისტები და სავარაუდოდ, არიან ვალში ილაპარაკონ ის, რასაც ლაპარაკობენ. სულ ეს არის მოცემულობა. მათ შორის ყველაზე აგრესიული სპიკერი არის კუბილიუსი, რომელსაც არ ადარდებს ჩვენ ქვეყანაში არც მშვიდობა, არც სტაბილურობა. მას ადარდებს ერთადერთი რამ – დაბრუნდეს ხელისუფლებაში რადიკალური ოპოზიცია. ამიტომ მინდა მივმართო ჩვენს თანამოქალაქეებს, არ მიაქციოთ ყურადღება კუბილიუსს და მის რამდენიმე თანამოაზრეს – მოისმინეთ რა თქვა ევროკომისარმა ვარჰეიმ, რომელმაც შეაქო ჩვენი მთავრობა და ქვეყანა მშვიდობის, სტაბილურობისა და მაღალი ეკონომიკური ზრდის გამო!” – წერს ნიკოლეიშვილი.
ევროკომისარმა ოლივერ ვარჰეიმ საქართველოს პრემიერ-მინისტრ ირაკლი ღარიბაშვილთან ერთად გამართულ ბრიფინგზე განაცხადა, რომ საქართველოს მთავრობა ძალიან აქტიურად მუშაობს ამ საქმის შესრულებისთვის, რათა თორმეტივე პუნქტი შესრულდეს; უკვე ვხედავთ პოზიტიურ ძვრებს სასამართლო რეფორმის, ვხედავთ წინსვლას კორუფციასთან ბრძოლის მიმართულებით.