ნაძალადევის რაიონში, სანზონის N9ა,ბ კორპუსის წყალარინების ქსელის რეაბილიტაცია მიმდინარეობს. პროექტის ფარგლებში, კორპუსის შიდა და გარე პერიმეტრზე მილები 382 გრძივ მეტრზე იცვლება, ასევე, მონტაჟდება ხუთი საკომუნიკაციო ჭა.
მიმდინარე სამუშაოებს ნაძალადევის რაიონის გამგებელი ირაკლი ანდღულაძე გაეცნო და ადგილობრივ მოსახლეობას შეხვდა.
„ამ მისამართზე ოთხი სადარბაზოს წყალარინების სისტემა მთლიანად იცვლება. კორპუსში 89 ოჯახი ცხოვრობს. ადგილობრივ მოსახლეობას დიდი ხნის განმავლობაში აწუხებდა მიწისქვეშა კომუნიკაციების პრობლემა. ქსელის სარეაბილიტაციო სამუშაოების დასრულების შემდეგ, ასფალტის საფარი დაიგება“, – განაცხადა ირაკლი ანდღულაძემ.
აღნიშნულ მისამართზე მიწისქვეშა კომუნიკაციების რეაბილიტაციისთვის ნაძალადევის რაიონის გამგეობას ბიუჯეტში 65 774 ლარი აქვს გათვალისწინებული.