ჩვენ ევრორეკომენდაციების შესრულება გვიწევს საბოტაჟის რეჟიმში, ეს არის მთავარი, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.
მისივე თქმით, ისტორიას დარჩება ის ამბავი, რომ რადიკალურმა ოპოზიციამ მხარი არ დაუჭირა რეკომენდაციების შესრულებას.
„როგორც უნდა გადაფუთონ ახლა თავიანთი საბოტაჟური ქცევები, ფაქტი არის ერთი, ისინი მხარს არ უჭერენ იმ პუნქტების შესრულებას, რომელიც გაწერილია ევრორეკომენდაციებში. ეს არის მთავარი. საბოლოოდ, ისტორიას დარჩება ის ამბავი, რომ რადიკალურმა ოპოზიციამ მხარი არ დაუჭირა ამ რეკომენდაციების შესრულებას. ვინ რა თქვა ჟურნალისტებთან, საზოგადოების მოტყუება როგორ სცადა, როგორ „გააპრავა“ ეს ყველაფერი, ამას აქვს მეორე ხარისხოვანი მნიშვნელობა. მთავარი და ყველაზე მნიშვნელოვანი არის ის, რომ მათ მხარი არ დაუჭირეს პრაქტიკულად არცერთი რეკომენდაციის შესრულებას“, – განაცხადა მამუკა მდინარაძემ.