“ჩვენ ვხედავთ, რომ ეს პარტია არის სერიოზული ოლიგარქიული გავლენების ქვეშ. ამ გავლენებით წარიმართება ის პროცესები, რასაც პარტიაში ვხედავთ”, – ამის შესახებ “ქართული ოცნების” თავმჯდომარემ, ირაკლი კობახიძემ “ნაციონალურ მოძრაობაში” განვითარებულ პროცესებზე საუბრისას აღნიშნა.
მისივე თქმით, “ნაციონალური მოძრაობის” თავმჯდომარის არჩევის პროცესი არავისთვისაა საინტერესო.
“ორი დაჯგუფებაა. ერთი დაჯგუფება არის მერაბიშვილ-კეზერაშვილის, რომელსაც წარმოადგენს ხაბეიშვილი, მეორე მხარეს კი არის ნიკა მელია და მისი თანამოაზრეები. სინამდვილეში, თავმჯდომარის არჩევის პროცესი არავისთვის არის საინტერესო. ერთი ფორმალური თავმჯდომარე მეორით შეიცვლება.
ჩვენ არ გვაინტერესებს ეს ყველაფერი. ხაბეიშვილის ფიგურა იმდენად სატირულ-კომიკურია, შეიძლება, ამაზე უფრო გაამახვილოთ ყურადღება“, – აცხადებს კობახიძე.