„ნაციონალურმა მოძრაობამ “ ვერ გაიაზრა მოსახლეობის განწყობა, რატომ უთხრეს მათ უარი, იქამდე მივიდნენ, რომ ნაფტალინიდან ამოიღეს ე.წ. პოლიტიკოსები, – ამის შესახებ სამხედრო ექსპერტმა და ანალიტიკოსმა, ამირან სალუქვაძემ „ქრონიკაში“ განაცხადა.
მისი თქმით, იკვეთება ის, რომ თავად არიან ყველაზე ახლოს და მჭიდროდ რუსულ ბიზნესთან და თავად არიან ზუსტად სანქცირებული ტვირთების გადამზიდავები და ჩართულები ამ ბიზნესში.
„ჩვენ თუ გავიხსენებთ „ნაციონალური მოძრაობის“ წარსულს, განსაკუთრებით აგვისტოს ომის შემდეგ, როგორ მჭიდროდ თანამშრომლობდნენ რუსეთთან და რამდენი სტრატეგიული ობიექტი მიყიდეს ჩვენი ომის შემდეგ, თითქოს ეს ომი ომი არ იყო, თითქოს ჩვენი ტერიტორიების ოკუპაცია არ მომხდარა, თითქოს ქართულ მიწაზე ბომბები არ ცვიოდა, რაც დღეს სამწუხაროდ უკრაინაში ხდება.
მათი ინტერესები არის, მხოლოდ და მხოლოდ ვიწრო პოლიტიკური, არ აინტერესებთ სახელმწიფოს წინსვლა და არც ისინი არიან, რასაც იბრალებენ, თითქოს მათი მიზანია და მთავარი საფიქრალია ევროკავშირში გაწევრიანება და კანდიდატის სტატუსის მიღება. ამ თვეების განმავლობაში ყველაფერს აკეთებდნენ, რომ საქართველოს კანდიდატის სტატუსი ვერ მიეღო“, – განაცხადა ამირან სალკუქვაძემ.