უკრაინის პრეზიდენტის ადმინისტრაციის ხელმძღვანელმა ანდრეი ერმაკმა თქვა, რომ 2023 წლის გაზაფხულზე ომის დასრულების შესახებ პროგნოზი “ოცნებასავით ჟღერს”.
ამ კომენტარით ერმაკი გამოეხმაურა უკრაინის თავდაცვის მინისტრის მოადგილის განცხადებას, რომელმაც ვარაუდი გამოთქვა, რომ ომი შესაძლოა, გაზაფხულზე დასრულდეს.
“უკრაინის თავდაცვის მინისტრის მოადგილის ეს ფრაზა როგორც ოცნება ისე ჟღერს. ცხადია, მილიონობით უკრაინელი ოცნებობს, რომ ეს ომი რაც შეიძლება მალე დასრულდეს, თუმცა მე უფრო რეალისტი ვიქნები”, – თქვა ერმაკმა.
იერმაკმა ხაზგასმით აღნიშნა, რომ უკრაინამ წარმატებას მიაღწია ხერსონისა და ხარკოვის მიმართულებით, მაგრამ ომი გრძელდება.
“მე არ ვარ მზად დავასახელო ზუსტი დღე და დრო, როდის გავიმარჯვებთ, თუმცა ეს ნამდვილად მოხდება. ყოველი დღის თითოეული წუთს ჩვენ ყველაფერს ვაკეთებთ, რომ პარტნიორებთან ერთად ჩვენი ერთობლივი გამარჯვება, რაც შეიძლება მალე მოვიდეს”, – თქვა მან.
პრეზიდენტის აპარატის ხელმძღვანელმა ხაზგასმით აღნიშნა, რომ, მიუხედავად უარყოფითი პროგნოზებისა, რომლებიც ჟღერდა რუსეთში სრულმასშტაბიანი შემოჭრის დასაწყისში, ახლა მსოფლიოს მოსახლეობის უმრავლესობა დარწმუნებულია უკრაინის გარდაუვალ გამარჯვებაში.