ქეთევან დედოფლის გამზირის სარეაბილიტაციო სამუშაოები ის პირველი და მთავარი ნაწილი, რაც იყო უშუალოდ გამზირის განახლება, დასრულებულია, – ამის შესახებ დედაქალაქის მერმა კახა კალაძემ „იმედი LIVE“-ში ისაუბრა.
„შეიცვალა მიწისქვეშა ქსელები. ეს არის წყალი, საკანალიზაციო მილები, ელექტროგადამცემი ხაზები მიწის ქვემოთ ჩავიტანეთ. გაჩნდა საავტობუსე ზოლები იმისთვის, რომ საზოგადოებრივმა ტრანსპორტმა თავისუფლად იმოძრაოს“, – განაცხადა კახა კალაძემ.
თბილისის მერმა მელიქიშვილის გამზირის რეაბილიტაციაზეც ისაუბრა. მისი განმარტებით, 8 მეტრის სიღრმეზე მთლიანად შეიცვალა კომუნიკაციები.
„იყო უმძიმესი მდგომარეობა. ფაქტობრივად, მელიქიშვილი იდგა წყალზე. მთლიანად განახლებულია გამზირი, ახლა მიმდინარეობს სამუშაოების ბოლო ეტაპი“, – აღნიშნა კახა კალაძემ.
კომენტარები