მთელი ამ ხნის განმავლობაში ვითხოვ ერთ რამეს: ერთი კონკრეტული ფაქტი მაინც წარმოადგინონ იმასთან დაკავშირებით, რომ ვიღაცამ რაღაც იმაიმუნა, მაგრამ პრობლემა აქ სხვა რამეშია – როდესაც ისინი იყვნენ ხელისუფლებაში, ჩადიოდნენ და აკეთებდნენ ყველანაირ სიბინძურეს, – ამის შესახებ დედაქალაქის მერმა კახა კალაძემ „იმედი LIVE“-ში ნაცმოძრაობაზე საუბრისას განაცხადა.
„ჩვენ გვახსოვს მათი ხელისუფლების პერიოდში, როგორც მოხდა 50 მილიონი ლარის მოპარვა. ამიტომ ისინი ქვეცნობიერად ფიქრობენ, რომ სხვაც იგივე სიბინძურის გამკეთებელია. ამ შემთხვევაში ფიქრობენ, რომ მეც იგივეს ვიკადრებ. საზოგადოებამ ძალიან კარგად იცის, თუ როგორია პირადად ჩემი მიდგომა. შესაბამისად, მათი განცხადებებს ჩემთვის ჩალის ფასი აქვს. საერთოდ არაფერს წარმოადგენენ ჩემთვის, მე ვაკეთებ ჩემს საქმეს. რაც იყო ჩემი საარჩევნო დაპირებები, ყველაფერს გავაკეთებ იმისთვის, რომ ზედმიწევნით შევასრულო და ხვალინდელი თბილისი იყოს გაცილებით უკეთესი, მოწესრიგებული, უფრო მწვანე და უფრო კომფორტული“, – განაცხადა თბილისის მერმა.