უკრაინაში, ჩერნიგოვის ოლქში რუს ჯარისკაცს მოქალაქეების წამებისა და ძარცვისთვის 10 წლით თავისუფლების აღკვეთა მიუსაჯეს.
უკრაინის პროკურატურის ინფორმაციით, დამპყრობელმა ადგილობრივ მცხოვრებლებს მობილური ტელეფონები და დანაზოგი წაართვეს, ასევე, სროლის მუქარით, მოითხოვეს მონაცემები უკრაინის შეიარაღებული ძალების სამხედრო მოსამსახურეების ადგილმდებარეობის შესახებ.
“მსჯავრდებულმა ერთ-ერთი ქალი ზურგზე ხელებშეკრული და თვალებ ახვეული 2 დღის განმავლობაში სარდაფში წყლისა და საკვების გარეშე ამყოფა. ამასთან, ის მუდმივად ემუქრებოდა ქალს ფიზიკური და სექსუალური ძალადობით”, – წერია განცხადებაში.
ცნობისთვის, რუსეთთან ფართომასშტაბიანი ომის დაწყებიდან, სამართალდამცავებმა უკრაინაში 68 314 რუსული დანაშაული დაარეგისტრირეს.
კომენტარები