უკრაინაში გაჩაღებულ ომში რუსეთი დასავლეთს ადანაშაულებს. კრემლის ჩვეული რიტორიკა რუსეთის საგარეო საქმეთა მინისტრმა გააჟღერა. სერგეი ლავროვი აცხადებს, რომ დასავლეთი უკრაინას რუსეთს წინააღმდეგ ომისკენ უბიძგებს.
„შეგახსენებთ რომ რუსეთის ინიციატივით პრეზიდენტებმა პუტინმა და ბაიდენმა 2021 წლის ივლისში ეგრეთ წოდებული გორბაჩოვისა და რეიგანის ფორმულა დაამტკიცეს, რომლის მიხედვითაც ბირთვულ ომში ვერავინ იქნება გამარჯვებული და ასეთი ომი არასოდეს უნდა გაჩაღდეს. ჩვენი პოზიცია კიდევ უფრო მოწინავეა და გულისხმობს რომ ბირთვული ომი, მის გაუჩაღებლობასთან ერთად, არ უნდა იქნეს დაშვებული ნებისმიერი სახის სამხედრო შეტაკება ბირთვულ სახელმწიფოებს შორის, ჩვეულებრივი სახის იარაღის გამოყენებითაც კი . ესკალაციამ შესაძლოა უკონტროლო ხასიათი მიიღოს. ის რომ ჩვენი დასავლელი კოლეგები ამ ფორმულის თავის არიდებას ცდილობენ – ბევრზე მეტყველებს. ისინი უბიძგებენ უკრაინას იმ ომის გაგრძელებისკენ, რომელსაც დასავლეთი რუსეთის წინააღმდეგაა აწარმოებს“, – განაცხადა რუსეთის საგარეო საქმეთა მინისტრმა სერგეი ლავროვმა.