მომღერალ ეთერ კაკულიას აქამდე უცნობი ჩანაწერი გამოქვეყნდა. სიმღერა მომღერლის სიცოცხლეში არ გავრცელებულა.
ჩანაწერი ეთერ კაკულიას დაბადებიდან 80 წლის იუბილეზე კომპოზიტორმა ოთარ ტატიშვილმა გაასაჯაროვა.
„მზის სადიდებელი“ დავარქვი ამ სიმღერას, ლექსიც ჩემი გახლავთ. კონცერტებზე ჩემი თანხლებით ეთერის არაერთხელ აქვს ნამღერი ეს სიმღერა, მაგრამ სტუდიური ჩანაწერი ეთერში არასდროს გასულა. არანჟირება ეკუთვნის შესანიშნავ კომპოზიტორს და პიროვნებას, ჩემს მეგობარს გია მაჭარაშვილს. ნათელში იყოს ეთერის სული და დღეგრძელი მისი შემოქმედება”, – აცხადებს ოთარ ტატიშვილი.
ეთერ კაკულია 2014 წლის 26 ივნისს გარდაიცვალა. 29 ნოემბერს მას 80 წელი შეუსრულდებოდა.
კომენტარები
