„ქართველ მუსლიმთა კავშირი“ განათლების სამინისტროს მოუწოდებს, ფაქტი სიღრმისეულად შეისწვალოს და სკოლის დირექტორი სამსახურიდან გაათავისუფლოს.
„ქართველი მუსლიმების სახელით მადლობა მინდა გადავუხადო საქართველოს პრეზიდენტის მრჩეველს ეთნიკური და რელიგიური უმცირესობის საკითხებში სოფიო შამანიდს, რომელიც ადგილზე გაცნო შექმნილ ვითარებას და შეხვდა მოხეს საჯარო სკოლის მოსწავლეებს. იმედს გამოვთქვამ, რომ ამ ნაბიჯს პოზიტიური შედეგები მოყვება. იმედს ვიტოვებთ, განათლებისა და მცნიერების სამინისტრო დაინტერესდება დირექტორის კომპეტენტურობით და რელიგიური მოტივით მომხდარი სხვა დისკრიმინაციული ქმედებების მსგავსად, არ მოხდება ამ შემთხვევის დავიწყება სათანადო რეაგირების გარეშე.
ვფიქრობთ, რეგიონში პრობლემების მოგვარებისათვის აუცილებელია, გათავისუფლდეს მოხეს საჯარო სკოლის დირექტორი თანამდებობიდან, დაუბრუნდეს სოფელ მოხეში არსებული მეჩეთი მუსლიმებს, გამოძიებული იქნას აქამდე მომხდარი ფაქტები და მიეცეს სამართლიანი სამართლებრივი შეფასება. ვფიქრობთ, ეს იქნება ერთგვარი პრევენცია, შესაძლო დაძაბულობისა და შემდგომში მოსალოდნელი რადიკალიზაციის აღმოსაფხვრელად.
აქვე, მუსლიმებს მოვუწოდებ, განაგრძონ მათთვის დამახასიათებელი სიმშვიდით, შეუპოვრობით და გამძლეობით ბრძოლა თავიანთი კონსტიტუციით გარანტირებული უფლებების რეალიზებისათვის და ამ ბრძოლაში მოწინაღმდეგეებისგან განსხვავებით, ისარებლონ იმ ფარგლებით, რომელსაც მათ კანონი უწესებს“, – აღნიშნულია „ქართველ მუსლიმთა კავშირის“ განცხადებაში.