რუსეთის პრეზიდენტი, ვლადიმერ პუტინი ბოლო 24 საათის განმავლობაში ორჯერ შეხვდა თავის ბელორუს კოლეგას, ალექსანდრე ლუკაშენკოს, რათა ბევრ საკითხზე მუშაობა დაასრულონ. ინფორმაციას ამის შესახებ ბელარუსის სახელმწიფო საინფორმაციო სააგენტო ავრცელებს.
ვლადიმერ პუტინის თქმით, მას საშუალება ჰქონდა ესაუბრა თავის კოლეგას დსთ-ს არაფორმალურ სამიტზე 26 დეკემბრის საღამოს და 27 დეკემბრის დილით.
“გუშინ ბევრი საკითხი განვიხილეთ არა მხოლოდ ჩაიზე, არამედ გვიან ღამით სახლში დაბრუნებისას. ხანდახან წლები სჭირდება ზოგიერთ სახელმწიფოს მოკლე დროში ამდენი ამდენი რამის განხილვისთვის”, – თქვა ლუკაშენკომ.
მისი განცხადებით, მიაღწიეს შეთანხმებას ყველა საკითხზე, რაც მთავრობებმა მოითხოვეს. “ბელტა” ამბობს, რომ პუტინმა ლუკაშენკო საუზმეზე მიიწვია, “რუსეთის მუზეუმში” რათა განეხილათ “ორმხრივი ურთიერთობები” და სხვა მნიშვნელოვანი საკითხები.
“მიუხედავად იმისა, რომ ჩვენ მუდმივად ვკონტაქტობთ, გარკვეული საკითხები ჩნდება დროდადრო, ამიტომ ჩვენ უნდა გავუმკლავდეთ მათ და მივიღოთ საჭირო გადაწყვეტილებები მათ უფრო ეფექტური გზით გადასაჭრელად”, – თქვა პუტინმა.