ამერიკული ფეხბურთის ვარსკვლავი დამარ ჰემლინი მატჩის დროს მიღებული ტრავმის შემდეგ კრიტიკულ მდგომარეობაშია. ამის შესახებ BBC წერს.
გამოცემის ინფორმაციით, „ბაფალო ბილსის“ 24 წლის მოთამაშე „ცინცინატი ბენგალსთან“ თამაშის პირველ მეოთხედში მოწინააღმდეგეს შეეჯახა და გონება დაკარგა. პირველად დახმარებას მას მოედანზე 30 წუთის განმავლობაში უწევდნენ, რის შემდეგაც ადგილობრივ საავადმყოფოში გადაიყვანეს.
სპორტსმენის წარმომადგენელმა Twitter-ზე დაწერა, რომ ჰემლინის მაჩვენებლები ნორმაშია, ის დააძინეს და ყელში სასუნთქი მილი ჩაუყენეს. სხვა დეტალები ამ ეტაპზე უცნობია.
კომენტარები