ამერიკის შეერთებულ შტატებში, ვირჯინიის შტატში, ექვსი წლის ბიჭი პოლიციამ მას შემდეგ დააკავა, რაც მასწავლებელს იარაღიდან ესროლა. ინფორმაციას BBC ავრცელებს.
ინციდენტი გუშინ, ადგილობრივი დროით 14:00 საათზე ქალაქ ნიუპორტ ნიუსში, რიჩნეკის დაწყებით სკოლაში მოხდა. გაურკვეველია საიდან ჰქონდა მოსწავლეს იარაღი.
30 წლის მასწავლებელს სიცოცხლისთვის საშიში ჭრილობები აქვს. იგი ადგილობრივ საავადმყოფოში გადაიყვანეს და ექიმების მეთვალყურეობის ქვეშ იმყოფება. ინციდენტი მოხდა პირველი კლასის (ექვსიდან შვიდ წლამდე) საკლასო ოთახში და გასროლას წინ შელაპარაკება უძღოდა.
ოფიციალურმა პირებმა განაცხადეს, რომ გასროლის დღეს სკოლაში რომელშიც დაახლოებით 550 მოსწავლე სწავლობს, ლითონის აღმოჩენის საშუალებებით ყველა ბავშვი არ შეუმოწმებიათ.
კომენტარები