უკრაინის სახელმწიფო სასაზღვრო სამსახურის ინფორმაციით, მესაზღვრეებმა ბახმუტთან მტრის ქვეითი ჯარის წინსვლა შეაჩერეს და ოკუპანტების ერთ-ერთი მეთაური მოკლეს.
“მოვკალით მეთაური, სასაზღვრო სნაიპერებმა შეაჩერეს რუსების შეტევა ბახმუტთან“, – ნათქვამია გავრცელებულ შეტყობინებაში.
როგორც მათი ცნობებიდან ირკვევა, ბახმუტის მახლობლად ერთ-ერთ მარშრუტზე რუსები უკრაინელი დამცველების საგუშაგოზე თავდასხმას გეგმავდნენ.
“თუმცა, სახელმწიფო სასაზღვრო სამსახურის სნაიპერებმა ამის საშუალება არ მისცეს. ჯარისკაცებმა ზუსტი სროლით გაანადგურეს მეთაური და ტყვიამფრქვევი. ოკუპანტებმა, დაკარგეს კონტროლი დანაყოფზე, შეშინდნენ და გაიქცნენ.” აღნიშნავს სახელმწიფო სასაზღვრო სამსახური.
შეგახსენებთ, რომ ბახმუტის მიმართულება ახლა ფრონტზე ერთ-ერთი ყველაზე ცხელი წერტილია.
კომენტარები