უკრაინის ხელისუფლებამ რუსეთის ფედერაციის მსახიობებს, მომღერლებს, კომიკოსებსა და პროპაგანდისტებს სანქციები 10 წლის ვადით დაუწესა. უკრაინის პრეზიდენტმა ვოლოდიმირ ზელენსკიმ შესაბამის განკარგულებას ხელი მოაწერა.
დოკუმენტის მიხედვით, სანქცირებულ პირებს უკრაინული აქტივები დაებლოკებათ.
გარდა ამისა, შეწყდება მათთან სავაჭრო ოპერაციები, გაუქმდება ყველა ლიცენზია თუ ნებართვა, აიკრძალება ფასიანი ქაღალდებით გარიგებები და საავტორო უფლებების გადაცემა.
სანქცირებულთა სიაში არიან: კომიკოსი მიხაილ გალუსტიანი, იუმორისტი ევგენი პეტროსიანი, ტელეწამყვანი ლეონიდ იაკუბოვიჩი, მომღერალი ვლადიმერ პრესნიაკოვი, მომღერალი ირინა ალეგროვა, მომღერალი დიმა ბილანი, მომღერალი ლარისა დოლინა, მომღერალი ფილიპ კირკოროვი, მომღერალი სერგეი ლაზარევი, მომღერალი პოლინა გაგარინა, მომღერალი გრიგორი ლეპსი, მომღერალი მიხაილ შუფუტინსკი, პროდიუსერი იოსიფ პრიგოჟინი, მომღერალი ლოლიტა მილავსკაია, პროპაგანდისტი დიმიტრი კისილიოვი, პროპაგანდისტი მარგარიტა სიმონიანი, მსახიობი დმიტრი დიუჟევი, მსახიობი ვიქტორ სუხორუკოვი.