რუსეთის პრეზიდენტმა, ვლადიმერ პუტინმა ოთხშაბათს საჯაროდ გააკრიტიკა ინდუსტრიისა და ვაჭრობის მინისტრი სამხედრო და სამოქალაქო თვითმფრინავების შეკვეთების შესრულებისას ძალიან ნელა მოქმედების გამო.
“ძალიან დიდი დრო სჭირდება! ძალიან დიდი დრო. არ გვესმის რა ვითარებაში ვართ?” – თქვა პუტინმა მინისტრებთან ონლაინ შეხვედრის დროს.
მან უსაყვედურა მინისტრ დენის მანტუროვს 2023 წელს სამხედრო და სამოქალაქო თვითმფრინავების კონტრაქტების არარსებობის გამო და მოუწოდა კომპანიებს დააჩქარონ პროცესი, რათა შეასრულონ შეკვეთები.
პუტინმა მოითხოვა კონტრაქტების დასრულება ერთ თვეში. მინისტრმა სცადა თავის გამართლება, რაზეც პუტინმა უპასუხა:
“თქვენ ამბობთ, რომ ყველაფერი მზადაა, მაგრამ არ არის კონტრაქტები, ამას გეუბნებით. მოდი, შეხვედრის შემდეგ ვისაუბროთ. […] მე ვიცი, რომ არცერთი კონტრაქტი არ არის გაფორმებული. საწარმოების დირექტორებმა მითხრეს. თავს ისულელებ?”
მანტუროვმა უპასუხა: “ჩვენ ვეცდებით, ყველაფერი გავაკეთოთ”.