ევროსაბჭოს პრეზიდენტი, შარლ მიშელი კიევში მიემგზავრება.
ამის შესახებ მან პოსტი Twitter-ზე გამოაქვეყნა და მატარებლიდან მოკლე ვიდეო ატვირთა.
„მივემგზავრები კიევში და დღეს პრეზიდენტ ვოლოდიმირ ზელენსკის, პრემიერმინისტრ, დენის შმიგალს და დეპუტატებს შევხვდები“, – თქვა მიშელმა.
მანვე გაიხსენა, რომ უკრაინა აგრძელებს ბრძოლას თავისი სუვერენიტეტისა და დამოუკიდებლობისთვის, და ეს არის ბრძოლა საერთო ევროპული ღირებულებებისთვის, ევროპაში მშვიდობისა და უსაფრთხოებისთვის.
„უკრაინელები იმსახურებენ ჩვენს მხარდაჭერას და პრეზიდენტ ზელენსკისთან და მის გუნდთან ერთად, განვიხილავთ კონკრეტულ ზომებს უკრაინის გასაძლიერებლად“, – დასძინა ევროსაბჭოს პრეზიდენტმა.
კომენტარები